Претстојниот викенд, 22 и 23 септември на тениските терени во Крива Паланка и Ранковце ќе се одржи првиот турнир во тенис за аматери „Крива Паланка-Ранковце опен“, а организаторите повикаа сите заинтересирани да се пријават за учество.
-Целта на турнирот кој е наменет за аматери, рекреативци и љубители на белиот спорт е да се афирмира и популаризира тенисот, бидејќи Ранковце има два нови тениски терени, Крива Паланка има едно ново тениско играчиште, а нема активни тениски клубови кои ќе го промовираат и развиваат овој спорт. Со овој турнир, на кој веќе се пријавени одолу петнаесетина учесника, од Скопје, Ќустендил, Р.Бугарија, Кратово, Куманово, ќе направиме обид да го заживееме тенисот и да го промовираме меѓу младите, истакнаа организаторите.
Одржувањето на турнирот е поддржано од двете локални самоуправи, и на Ранкове и на Крива Паланка, со поддршка на ентузијастите Игор Петровски и Горан Станковски.
Предвидено е турнирот да се одржи двата дена, паралелно, во двете општини, а пријавувањето сеуште трае. Максимален број пријавени играчи е ограничен на 32, а досега веќе над педесет отсто од планираните учесници се регистрирани.
Сите учесници ќе добијат реквизити и дел спортска опрема, а за најуспешните обезбедени се и вредносни ваучери.
(Миа)