Пилотот на „Ред Бул“ Макс Ферстапен го нападна колегата од „Форс Индија“ Естбан Оконон по трката за Големата награда на Бразил и доби казна два дена добротворна работа за ФИА.
Холанѓанецот синоќа беше пред победа на „Интерлагос“ но меѓу него и Оконон кој заостануваше цел круг дојде до судир во 44.круг по што Ферстапен го загуби првото место.
По трката Ферстапен се обиде физички да се пресмета со возачот на „Форс Индија.
– Ферстапен треба да одработи два дена добротворна работа за ФИА во следните шест месеци, е одлуката на судијата кој ги опомена двајцата возачи.
Од Светската автомобилистичка федерација исто така ги предупредија двајцата возачи дека следниот таков инцидент ќе биде поригорозно санкциониран.
– Ја разбираме фрустрацијата на Макс, но неговото однесување не беше примерно. Слични такви ситуации во иднина нема да толерираме, велат од ФИА.
Последната трка за оваа сезона во Формула 1 шампионатот е на 25 ноември во Абу Даби.
МИА
A furious Max Verstappen shoves Esteban Ocon in chest after being taken out in Brazil. First such F1 dust-up for 20 years, after Schumacher v Coulthard at Spa 1998 pic.twitter.com/VRpYUoVhMz
— Oliver Brown (@oliverbrown_tel) November 11, 2018
