Во драматичен дуел на отворањето на групата во Вараждин, Чешка долг време водеше против европскиот шампион Германија, но тимот од Бундеслигата со одлични последни десетина минути извојува победа со 22:19.

Доколку се земе во предвид фактот дека Чесите не можеa да постигнат гол нешто повеќе од 12 минути, тогаш станува јасно како Германците стигнаа до победата. Имено, германската мрежа мируваше од 46-тата до 59-тата минута.

Томас Чип во 46-тата минута погоди за водство на Чешка од 18:16, но потоа следеше вистинско „помрачување“ за Чесите. Следниот погодок беше постигнат дури во 59-тата минута, кога Станислав Кашпарек ги постигна конечните 22:19.

При резултат 18:17 за Чешка, Волф успеа да му одбрани седмерец на најдобриот чешки ракометар Здрахала, а потоа со неколку одлични интервенции целосно да ја отпише Чешка.

Чесите имаа водство во поголемиот дел од мечот, но немаа сили да направат целосно изненадување.

По овој триумф, Германија изби на првото место во нашата група во Вараждин со 4 бода, додека Чешка останува на 2.

Од 20:30 часот се игра вториот меч денеска меѓу Словенија и Данска.