По убедливата победа над Косово, женската кадетска репрезентација на Македонија забележа уште еден триумф на ЕХФ шампионат што се игра во Клаипеда. Нашите ракометарки славеа против домаќинот Литванија со 15-28.
Најдобри стрелци во македонскиот тим беа Младеновска со осум голови, како и Ризоска и Дукоска, со седум односно шест погодоци. Голманката Јовановска имаше 11 одбрани.
Следува ден пауза на ЕХФ шампионатот, па дуели со Финска и Шпанија. Селекцијата на Шпанија е главен фаворит за титулата и досега нема пораз на три меча, додека Финска има две победи и еден пораз. Победа против скандинавките, Македонија ја носи во полуфиналето, без разлика на исходот од двобојот со Шпанија.
