Француската ракометна звезда Никола Карабатиќ нема да игра до крајот на сезоната иако поминаа трите месеци кои беа најавени како период за негова рехабилитација од повредата.
Еден од најдобрите ракометари во историјата боледуваше од воспаление на површните вени (флебитис) на десната нога.
Најавата беше дека 39-годишникот ќе отсуствува три месеци, но според последните информации, нема да игра до крајот на сезоната.
Карабатиќ ја одржува формата индивидуално, но од лекарите уште му е забрането да тренира колективно. Додатни проблеми за него создаваат и болките во левото стапало поради чија повреда го пропушти крајот на СП во јануари оваа година.
