Екипата на РК Алкалоид ги пушти во продажба билетите за својот прв европски натпревар во кој ќе играат против Војводина од Србија. Натпреварот се игра во рамките од Европската лига на ЕХФ во вторник (17.10) од 20:45 часот.
Цената на влезниците за дуелот кој ќе се игра во СЦ „Јане Сандански“ во Скопје изнесува 100 и 150 денари. Блоковите 1, 2, 9 и 10 се по цена од 100 денари, додека, пак, билетите за блоковите 3, 4, 7, 8, 11, 12, 15 и 16 чинат 150 денари.
