Словенија има максимални четири бода во новата група, денеска беа подобри од Исланд совладувајќи го со три голови разлика.
Словенците имаа одличен почеток, дојдоа до 7-2 на стартот на мечот, но Исланд успеа да се врати, да го сврти мечот и во неколку наврати во првиот дел да дојде до позитива од еден гол. По првите 30 минути Словенија имаше водство од 15:14.
Во вториот дел Словенците доминираа, Исланд тешко парираше. Словенија имаше предност и од шест голови разлика, на крајот славеше со 30:27.
Бомбач со девет голови беше главниот ракометар на Словенија во овој меч, Благотиншек и Мачковсек постигнаа по четири. Во составот на Исланд најдобар беше Елисон со шест погодоци.
