Стевче Алушовски е нов тренер на РК Охрид, договор што би требало да биде официјализиран во наредните неколку дена.
Долгогодишниот македонски репрезентативец на почетокот од тренерската кариера ги водеше Пелистер и Вардар, а потоа замина кратко време во исландскиот клуб Тор, но Алушовски сега е решен да се врати назад на домашната сцена.
Допрва ќе биде формиран играчкиот ростер, а според последните информации нови имиња во Охрид ќе бидат двајцата ветерани од Еурофарм Пелистер, Кукоски и Ојлевски, кои се слободни играчи по истекот на договорот со битолчани.
