Македонскиот ракометен репрезентативец Никола Митревски зад себе остави фантастична сезона во редовите на Порто, со кого го освои домашниот шампионат, а имаше и забележителни настапи и во Лигата на шампионите.
Искусниот чувар на мрежата со своите одбрани често пати му носеше бодови на Порто во ракометната елита, а една негова интервенција се најде во потесниот избор на ЕХФ за најатрактивни на сезоната. Фудбалската парада на Митревски против ПИК Сегед, со која му фати зицер на Кањељас, е сместена на шестото место на оваа листа за најдобри на сезоната во елитата.
Најдобрите одбрани на сезоната во ЛШ:
Првото место во овој избор му припадна на чуварот на мрежата на Алборг, Симон Гаде, за двојната одбрана против ПСЖ.
