Видерер: Македонија би можела да биде кодомаќин и на ЕП за мажи

12. ноември 2022. @ 16:38 2 мин.

Македонија уште еднаш се покажа како способен домаќин на највисоко натпреварувачко ниво во системот на Европската ракометна федерација (ЕХФ), организирајќи го беспрекорно својот дел од ЕУРО 2022, чии коорганизатори се уште и Црна Гора и Словенија.

“Задоволен сум од се што видов во Скопје. Сите извештати и реакции околу организацискиот дел се позитивни. Нормално е кога домаќинот не игра, да има помалку гледачи, но ние ги разбираме сите аспекти“, рече Видерер во разгворо со македонските новинари.Македонија и претходно, низ младинските шампионати се покажа како добар организатор и сето тоа искуство сега го има применето овде. Се се одвива како што треба, позитивни се реакциите во овој дел“, додаде Хауслајтнер.

„Мислам дека е незамисливо за една мала земја сама да биде домаќин на едно Европско првенство особено сега кога има повеќе репрезентации учесници. Тоа реално можат да го остварат само големите земји, како Германија, Франција и можеби Шпанија. Моментално Македонија би можела да биде организатор на Европско првенство во машка конкуренција како ко-домаќин, како и во овој случај со женскиот турнир. Да биде организатор на првата прелиминарна фаза или една група. Турнирите се веќе распределени до 2028 година, па за понатаму ќе видиме од 2030 година“, рече Видерер.

Германија е домаќин на следниот континентален шампионат, во 2024 година, скандинавските соседи Шведска, Норвешка и Данска на тоа во 2026, а Швајцарија е партнер на Шпанија и на Португалија за првенството во 2028 година.