Кралицата Елизабета Втора утре ќе ја пропушти богослужбата во катедралата Свети Павле, откако доживеала „непријатност“ на денешната платина јубилејна прослава, потврдија од Бакингемската палата.

Според Бакингемската палата, кралицата ќе ја пропушти службата бидејќи се почувствувала слаба додека ја следела парадата во Лондон денеска, пренесува Би-би-си.

Нацијата се надеваше дека кралицата ќе присуствува на богослужбата, но претходно од палатата рекоа дека нејзиното присуство ќе биде потврдено ден пред настанот.

Во соопштението од Бакингемската палата се наведува дека оваа одлука е донесена неволно, а одлуката ја донеле фактори како патувањето кое кралицата би требало да го направи, но и активностите на кои таа би требало да присуствува.

Кралицата Елизабета денеска учествуваше на прославата на „платинестиот јубилеј“ по повод нејзините рекордни 70 години на британскиот трон.

Денеска, заедно со почетокот на јубилејот, се одбележува и 69-годишнината од крунисувањето на Елизабета, која стана кралица по смртта на нејзиниот татко Џорџ Шести во февруари 1952 година.

Прославата започна со воена парада во центарот на Лондон, а кралицата ги поздрави 1.500 војници и офицери од балконот на Бакингемската палата.

Напладне, во чест на кралицата во Лондон и ширум Британија, армијата приреди почесна парада, по што следеше почесен лет над авионите кои кралицата ги гледаше од балконот.