Шефот на ЕУ дипломатијата реагираше на одлуката на Европарламентот оваа година да ја додели наградата Сахаров на украинскиот народ.
Наградата Сахаров се доделува секоја година за слобода на мисла.
-Украинскиот народ храбро ја брани својата слобода и своето право да постојат како Украинци во своја суверена држава, тие се борат за споделени универзални вредности врз кои е изградена Европа, рече Борел.
Тој додаде дека нивниот отпор е херојски и дека ја плаќаат ултимативната цена за својата слобода.
-Со оваа награда ЕУ е почестена што ги наградува нивното достоинство и отпорност кои ги покажаа во последните месеци.
Тој повтори дека ЕУ цврсто стои со Украина и нејзиниот народ и ќе продолжи да пружа воена, социјална и економска помош онолку време колку што ќе биде потребно.
