Британскиот премиер Борис Џонсон сака законски да забрани какво било продолжување на преодниот период по официјалното излегување на Велика Британија од Европската унија на 31 јануари, изјави денеска владин извор.
-Минатата недела народот гласаше за влада што ќе го оствари Брегзит и ќе и овозможи на земјата да оди напред. И тоа е токму она што имаме намера да го направиме оваа недела, рече извор од Даунинг стрит 10.
Изворот додаде дека нивната програма јасно укажала дека нема да се продолжи преодниот период и новиот закон за спроведување на договорот за излез од ЕУ ќе „законски забрани на владата да прифати какво било продолжение по 2020 година“. (МИА)