Неколку експлозии одекнаа во раните утрински часови во Киев, точно една недела откако Русите извршија напади врз главниот град на Украина.
Нападот го извршиле беспилотни летала – камикази, соопшти Андриј Јермак, шеф на кабинетот на украинскиот претседател.
– Русите мислат дека тоа ќе им помогне, објави тој на Телеграм.
Три експлозии биле регистрирани меѓу 6:35 и 6:58 часот по локално време. Сирените сигнализираа за воздушен напад непосредно пред првата експлозија.
Градоначалникот на Киев, Виталиј Кличко објави фотографија на Твитер за која тврди дека се остатоци од едно од дроновите камикази кои утрово го нападнаа Киев.
Уламок одного з дронів-камікадзе, які сьогодні зранку атакували Київ. pic.twitter.com/EV1Hy6GADL
— Віталій Кличко (@Vitaliy_Klychko) October 17, 2022
Минатиот понеделник, на 10 октомври, Русите силно го бомбардираа Киев и други украински градови, при што загинаа 19 лица, а беа повредени 105, што предизвика меѓународна осуда. Еден ден подоцна, Русите продолжија со воздушните напади, но со помала жестокост, а нивна главна цел беа енергетски постројки на западот на Украина.
