Целосно затворени граници за меѓународен туризам од 1 јули имаат 29 проценти од дестинациите, најголем дел од нив се островски држави во регионот на Азија и Тихиот Океан. За туристи без никакви ограничувања се отворени само три дестинации, Албанија, Доминиканска Република и Костарика, велат најновите податоци на Светската туристичка организација.
Најголем дел се затворени од мај 2020 година или подолго. Едно од три или околу 34 проценти од сите туристички дестинации во светот е делумно затворено, а во 36 проценти се бара негативен тест, додека во некои случаи негативниот тест е комбиниран со барање за карантин.
Сепак, поради појавата на новите мутации на Ковид-19, 42 проценти од туристичките места воведоа посебни ограничувања за посетителите од државите со загрижувачки варијанти на коронавирус.
Од Светската туристичка организација истакнуваат дека врската меѓу брзината на вакцинацијата ги ублажува ограничувањата, оа така дестинациите кои имаат повисока стапка на имунизација се во подобра позиција.
Во процесот на заздравување на оваа гранка клучна улога имааат и владите преку соработката со секторите
Според податоците на Светската туристичка организација, Европа од 1 јули била регион со најмал број затворени туристички дестинации – 13 проценти за разлика од Азија и Тихиот Океан каде меѓународниот туризам е затворен за близу 70 проценти од дестинациите.
Во северна и јужна Америка за меѓународен туризам се затворени една петтина од локациите, во Африка 19 проценти, а на Блискиот Исток 31 отсто.
