Европската полиција Европол раководи со координирана меѓународна акција за апсење во седум европски земји на осомничени за говор на омраза преку интернет платформи и поттикнување на насилство.
Европол и германското обвинителство објавија дека германската полиција извршила рација и претреси во 83 станови и запленила докази како телефони и лаптопи, како и дека во германското обвинителство биле сослушани 96 осомничени за објавување содржини што изразуваат и поттикнуваат омраза.
Во заедничката акција координирана од Европол учествуваат полициите на Германија, Италија, Франција, Грција, Норвешка, Велика Британија и Чешка.
