Европската унија ќе ја забрани работата на руските медиуми „Раша Тудеј“ и „Спутник“, изјави денеска шефот на дипломатијата на ЕУ, Жозеп Борел. Говорејќи на прес-конференција во Брисел, тој најави дека европскиот блок ќе ги забрани двата медиума во обид да се избори, како што наведе, „против руските дезинформации“, пренесе Си-Ен-Ен.
„Денеска преземаме клучен чекор за затворање на славината за руска манипулација со информации во Европа со забрана за емитување на програмите „Раша тудеј“ и „Спутник“ во Европската унија“, рече Борел.
Во исто време, претседателката на Европската комисија Урсула фон дер Лајен изјави дека руските државни медиумски компании „Раша Тудеј“ и „Спутник“, како и нивните подружници, повеќе нема да можат „да шират лаги за да ја оправдаат војната на Путин и да направат поделба во ЕУ“.
Поврзани вести
Состанок на министрите за внатрешни работи на земјите членки на ЕУ, ќе разговараат за ситуацијата во Шенген зоната, импликациите на ситуацијата на Блискиот Исток за внатрешната безбедност во ЕУ и миграцијата
Портпаролот на ЕУ за Денот на жалост во Србија: Напаѓачите никогаш не треба да се поистоветуваат со жртвите
