Претставниците на Фиџи на Азискиот безбедносен самит предупредија дека климатските промени претставуваат поголема закана за Пацификот отколку воените тензии.
– Митралезите, борбените авиони … не се наша примарна безбедносна грижа. Најголемата закана за нашето постоење се климатските промени, изјави министерот за одбрана на Фиџи, Инија Серуирату за Би-Би-Си.
Самитот во Сингапур се фокусира на тензиите меѓу Кина и САД и војната во Украина, но претставникот на Фиџи укажа на опасноста од климатските промени, потсетувајќи дека циклони во неколку наврати ги погодија Фиџи и другите островски земји на Тихиот Океан.
– Тоа ги загрозува нашите надежи и соништа за просперитет. Луѓето предизвикаа разорни климатски промени, предупреди Серуирату на форумот наречен Шангри-Ла Дијалог.
Поврзани вести
Грција, Хрватска, Малта, Италија, Португалија, Франција, Кипар и Словенија бараат поголеми ресурси за справување со климатските промени
Развиените земји ветија 9,3 милијарди долари за помош во борбата против климатските промени
