Џастин Бибер ги изненади своите 179 милиони следбеници кога на авојот инстаграм – профил објави фотографија како позира со францускиот претседател, Емануел Макрон и неговата сопруга Брижит Макрон. Џастин и Хејли се облечени во свечена облека на средбата со Макрон која се одвивала во канцеларијата на претседателот во Елисејската палата на 21 јуни.
Средбата на Бибер со францускиот претседател се случила за време на неговата неодамнешна посета на Париз и исто така се совпаднала со светскиот „Ден на музиката“, пренесува „DailyMail“.
View this post on Instagram
Додека обожавателите се надевале дека Бибер ќе објасни повеќе за неговиот состанок со Макрон во описот на фотографијата споделена на неговиот инстаграм – профил, пејачот одлучил да ги остави во неизвесност.
За оваа прилика, Бибер е совршено стилизиран во темно сив костум со бело – сини патики и голем накит околу вратот, додека Хејли носи прекрасен беж фустан со гол грб, додека Брижит е шик во бел фустан, а претседателот Макрон позира во сив костум со вратоврска.
View this post on Instagram
Француските медиуми, кои исто така биле изненадени од средбата сугерираат дека канадскиот пејач побарал да се сретне со францускиот претседател и нивниот разговор вклучувал дискусија за „прашања поврзани со младите“.