Најмалку пет лица загинаа, а 18 се повредени кога автомобил се залета во група луѓе, меѓу кои и ученици, пред основното училиште во градот Хулудао, на североистокот во Кина.
-Државната ТВ станица „ЧТВ“ јави дека возачот е приведен, пренесе новинската агенција „АП“.
На видеата од сигурносните камери се гледа дека возилото се приближува додека децата ја минуваат улицата пред училиштето.
葫芦岛建昌二小门前，男子开车撞向多名小学生！ pic.twitter.com/SovtBrldgo
— 楠源卍奇说 (@HMN_33) November 22, 2018
Засега не е јасно дали е во прашање намерен напад, но „АП“ напоменува дека во Кина неодамна се случиле повеќе слични инциденти.
Минатиот месец, маж со возило влета во група пешаци во градот Нингбо, усмртувајќи две и повредувајќи 16 лица.
Во септември, 11 беа убиени, а 44 лица повредени во провинцијата Хунан, кога напаѓач со возило влета кон група луѓе.
