Стотици луѓе се собраа синоќа на молитва во близина на катедралата Нотр Дам во Париз, во која пред два дена изби катастрофален пожар.
Парижани прошетаа носејќи свеќи и пеејќи верски песни од црквата Сен Суплис.
Народот му се придружи на еден мал оркестар кој свирел пред статуата на Дева Марија.
Организаторите на собирот изјавија дека на овој начин сакаат да покажат колку им значи катедралата.
Пожарот во Нотр Дам во Париз изби во понеделникот доцна попладнето, кога катедралата е затворена за јавност. Во гаснењето на огнот учествуваа 400 пожарникари.
По девет часа борба со пламените јазици, рано утрото околу три часот, француските пожарникари го ставија пожарот под контрола, кој е целосно изгаснат неколку часа подоцна.
