Денес, Самуел Литл е 80-годишник кој не може да оди, за кого на прв поглед никој не би рекол дека изгледа опасно. Сепак, тој е можеби најсмртоносниот убиец во историјата на САД.

Во 2019 година, Бернис Тели, 35-годишна магационерка од Мемфис, на локалните вести видела цртеж на позната личност. Темен тен, големи кафени очи, виткана коса …

-Тоа е мајка ми! – извикала жената која не знаела за мир од својата петта година, кога нејзината мајка Зина Џонс исчезнала без трага.

Се наслушала секакви приказни: дека мајка и побегнала со возач на камион, дека побегнала затоа што се задолжила. Дека нејзиниот сопруг (таткото на Бернис) ја претепал до смрт и ја закопал во дворот… Но, минатата година, покрај таа судбоносна вест, открила уште една – дека човекот по име Самуел Литл можеби е одговорен за исчезнувањето на нејзината мајка.

Литл сакал рутина. Ако не бил зад решетки, талкал низ Америка, ќе завршел во некој град, ќе ограбел продавница таму, ќе земел соба во мотел и потоа ќе соберел некоја жена која би ја убил. Избирал внимателно: секогаш оние од маргините на општеството, честопати заборавени за живот, проститутки, зависници од дрога или алкохол, оние кои ретко кому му значеле. Тој претпочитал да ги задави. Така живеел 35 години.

Литл, кој исто така се претставувал како Самуел Мекдауел, започнал да соработува со властите дури во мај 2018 година, откако го поврзаа со убиствата на три жени. Подоцна признал дека убил 90 други низ цела Америка.

Во моментов тој се смета за најголемиот сериски убиец што некогаш живеел низ САД.

Извор: www.srbijadanas.com