Најмалку седум лица загинаа, а 70 се повредени во судир на два автобуса во Авганистан, соопштија денеска тамошните власти.
Несреќата се случи доцна синоќа на автопатот кај Кабул, соопшти авганистанското Министерство за внатрешни работи.
Автобусите се движеле од спротивни насоки, а причината за судирот е непозната.
Повредените лица биле пренесени во болницата.
Сообраќајните несреќи се честа појава во Авганистан поради лошите услови на патиштата и особено поради невнимание на возачите.
