Британската полиција потврди дека бил уапсен дилер на дрога врз основа на неговите селфи фотографии со кои што на социјалните мрежи се фалел позирајќи пред голема количина на пари, скапи часовници и накит.
Марк Вајнфур имал кај себе 14.000 фунти кога полицајците упаднале во неговиот стан, а кога подоцна го прегледале неговиот телефон, тие пронашле дури 26 илјади фотографии, 400 видео записи и 700 пораки поврзани со дрога.
На една од фотографиите, 29-годишниот дилер позира на фарма со канабис, а на другата може да се види како носи скапоцен часовник “Royal Oak Offshore”.
Brazen Mark Wainfur, 29, of Newport, South Wales, was caught out by police after he took bragging pictures of himself holding huge wads of cash, flash watches and bling jewellery. https://t.co/RAOTsdwSqz
— Matthew Berry (@bmatthew1989) July 21, 2018
Полицајците во неговиот дом, меѓу другото пронашле и 14 илјади фунти во готовина, прескапа облека, накит и часовници „Ролекс“, но исто така и дигитална вага на која што имало траги од канабис.
Дилерот Вајнфур пред судот признал дека се занимавал со „одгледување на марихуана и перење на пари“. Судијата му одредил затворска казна од три години и четири месеци.
-Тој е професионален дилер на дрога и се гордее со тоа. Продажбата на дрога е одвратна, предизвикува патење и смрт, изјавил судијата пред Вајнфур да биде сместен зад решетки.
Drug dealer from Newport jailed after police find bragging snaps of cannabis farm and wads of cash pic.twitter.com/ry0rcK0qQ9
— Cannabis After Dark (@quondon) July 22, 2018
