Неколку лица се повредени во експлозија во фабриката за воени експлозиви Еуренко во Бержерак во југозападна Франција, изјави претставник на компанијата.
Компанијата произведува воени експлозиви, погони и горива. Исто така, произведува експлозиви за цивилна употреба.
Префектурата Дордоња соопшти дека итната помош пристигнала на местото на несреќата, каде по експлозијата избувнал пожар.
Канцеларијата на градоначалникот на Бержерак ја повика јавноста да се држат настрана од областа.
Причината за експлозијата се уште не е позната. Претставник на компанијата изјави дека „неколку луѓе“ се повредени, но не можеше да даде точен број. (МИА)
