Обединети Арапски Емирати соопштија дека два катарски воени авиони вчера опасно се приближиле до два нивни патнички авиона.

Тоа е уште еден инцидент помеѓу ОАЕ и Катар, кои ги имаат прекинато дипломатските односи.

Дирекцијата за цивилна авијација на ОАЕ го осуди инцидентот што се случи во воздушниот простор над Бахреин, оценувајќи го како „груба и тешка закана за безбедноста на цивилната авијација“.

Во јануари и февруари Катар ги обвини ОАЕ дека нивни воени авиони го нарушиле катарскиот воздушен простор, а потоа Доха обвини дека два патнички авиона биле пресретнати од катарски воени авиони над Бахреин.

ОАЕ, Саудиска Арабија, Бахреин и Египет ги прекинаа дипломатските односи со Катар на 5 јуни 2017 година, обвинувајќи го за поддршка на терористички групи и за зближување со нивниот регионален противник Иран. Четирите земји ги прекинаа воздушните, морските и копнените врски со Катар, кој од своја страна ги обвини дека се обидуваат да ја контролираат неговата внатрешна политика.