Семејството на младата Шани Лук, германски уметник , која беше киднапирана од Хамас по инвазијата на Израел, објави дека девојчето е мртво.
„За жал, вчера ја добивме веста дека мојата ќерка повеќе не е жива“, изјавила мајката Рикарда, пренесува Билд.
Сестрата на Шана, Ади напиша на Инстаграм дека „со голема тага ја објавува смртта на мојата сестра“.
Шани Лук (22), која има израелско и германско државјанство, била на музички фестивал во близина на Кибуц Реим на 7-ми октомври. Таму таа го славеше животот со стотици млади Израелци кога беа нападнати од милитантите на Хамас.
Хамас уби десетици посетители на фестивалот и киднапираше многумина, меѓу кои и Шани Лук и ги одведе во Појасот Газа.
Истиот ден, Хамас објави видео на кое наводно се гледа Шани Лук во камионска приколка опкружена со борци.
Таа лежела и била тешко повредена. Околу неа борците го славеа нејзиното киднапирање.
Набрзо се проширија информации дека таа е мртва, но нејзината мајка изјавила дека и кажале дека Шани е уште жива, но тешко повредена.
И покрај ужасното видео, семејството на Шани повеќе од три недели се надеваше дека Шани ќе биде ослободена.
За жал, денес семејството ја објави тажната вест.
JUST IN – German Hamas hostage: family announces the death of Shani Louk on Instagram — BILD pic.twitter.com/kIqNdCPmdQ
— Disclose.tv (@disclosetv) October 30, 2023
