Нова група припадници на ИД вчера им се предала на сириските демократски сили (СДС) во долината на реката Еуфрат, се наведува во соопштението на Сириската опсерваторија за човекови права.

Сириската опсерваторија за човекови права со седиште во Велика Британија открила дека некои од борците се деца јазиди, кои што биле киндапирани од страна на терористичката група на планината

Синџар во северен Ирак за време на бруталниот напад на ИД во август 2014-тата година.

Силите, кои што ги поддржуваат САД повеќе од два месеи ги евакуираат цивилите од последното упориште на ИД во долината на Еуфрат. За време на евкуацијата, ослободени се десетина Језиди од рацете на терористичката група.

Според последните извештаи и покрај сите напори, повеќе од 3.000 Јазиди сеуште не се пронајдени. Активистите се плашат дека дел од нив загинале за време на бомбарирањата или пак се погубени од страна на милитантите. Сириските демократски сили, САД, Велика британија и Франција се подготвуваат за напад на последните позиции на ИД. Ова е комплицирана мисија затоа што преостанатите терористи ги користат цивилите како жив штит.