Почина првиот претседател на Украина. Леонид Макарович Кравчук, првиот претседател на постсоветска Украина, почина денеска на 88-годишна возраст, јавуваат локалните медиуми. Почина по долго и тешко боледување.
Кравчук беше еден од потписниците на договорот за Бјеловарската шума, со кој СССР се трансформираше во Заедница на независни држави.
Кравчук беше избран за претседател на Врховната Рада на 23 јули 1990 година, а по неуспешниот пуч во август 1991 година во Москва, поднесе оставка од КПС и ја прогласи Украина за независна од Советскиот Сојуз.
Тој беше избран за прв претседател на независна Украина на претседателските избори во декември 1991 година.
За време на неговиот мандат, Кравчук ја сврте Украина кон Запад и беше еден од ретките лидери во светот кои ја исчистија својата земја од нуклеарно оружје, пренесуваат украинските медиуми. Како што наведуваат, Кравчук не успеал да се справи со корупцијата, што било причина за лошо спроведената приватизација на државниот имот.
Најголемиот неуспех за време на мандатот на Кравчук се смета колапсот на Црноморската пароброд компанија во Одеса, дотогаш најголемата трговска флота во светот, додава украинската агенција.
Поради колапсот на економијата и растечките тензии со Русија, украинските гласачи на претседателските избори во 1994 година го избраа Леонид Кучма, кој вети дека ќе се бори против корупцијата, ќе ја обнови економијата и ќе ја зголеми соработката со Русија.
По поразот на изборите, Кравчук ги здружи силите со неколку украински олигарси и со нив ја основа Социјалдемократската партија на Украина.
