Италијанската полиција синоќа објави дека уапсила 20-годишен Сомалиец, осомничен член на Исламска држава, кој се заканувал дека ќе постави бомби во црквите, вклучително и во Базиликата Свети Петар.
Полицијата наведе дека исламистот Омар Моџин Ибрахим е приведен на 13 декември, а потоа обвинет за поттикнување и поддршка на тероризмот.
Ибрахим е приведен во операцијата што траела еден месец. Тој е уапсен во моментот кога се подготвувал да го напушти Бари, каде работел како чистач.
Тој е уапсен врз основа на прислушувани телефонски разговори. Ибрахим во Италија пристигнал во 2016 година, а често го користел лажното име Анас Калил, а на социјалните мрежи се претставувал како Јусуф.
Италијанската полиција пред Божиќ ги зајакна обезбедувањето околу црквите, вклучително и Базиликата Свети Петар.
МИА
