Ширум светот денеска по повод празникот на трудот, се одржуваат протести, собири и маршови со барање од владите да се посветат на прашањата за работниците, но во некои земји властите ги ограничија активностите, што некаде како на пример во Турција резултираше со апсења.

Полицијата во Истанбул уапси повеќе од десетина демонстранти кои тргнаа на марш кон главниот градски плоштад Таксим, пркосејќи и на забраната.

Поради безбедносни причини, Турција забрани пристап на овој плоштад за обележување на први мај, па патиштата кои водеа кон Таксим беа блокирани, а полицијата дозволи само мали групи на претставници на синдикатот да положат венци на тамошниот споменик.

Меѓутоа, група од околу 25 луѓе, извикувајќи „без забрани Таксим први мај“ се обиде на сила да дојде до плоштадот, но ги опколи полицијата.

Плоштадот Таксим има симболичка за работничкото движење во таа земја, имајќи предвид дека во 1977 година 34 луѓе биле убиени на тој плоштад во текот обележувањето на први мај, кога на насобраните биле испукани куршуми од зградите во близина.

Инаку, синдикатите во Турција повикаа на обележување на празникот на трудот со собири во зоните со владини институции во Истанбул и Анкара.

Филипинците на улиците

Во Манила денеска илјадници филипински работници и активисти маршираа по повод празникот на трудот, а во знак на протест поради како што наведуваат неисполнетите предизборни ветувања на претседателот Родриго Дутерте да се стави точка на краткорочните договори за вработување.

На протестниот собир немаше насилство, но комплексот на претседателската палата беше под силно обезбедување.

На новинарите првобитно им беше забрането да се приближат кога демонстрантите го запалиле портретот на Дутерте, со натпис „Крал на лагите“, на стотина метри  од комплексот.

Околу 8.000 полицајци и војници се распоредени денеска поради протестниот марш во Манила, а полицијата проценила дека во него учествувале 10.000 луѓе, мавтајќи со знамиња и носејќи транспаренти.

Протести денеска се одржани и во други големи градови на Филипини, каде работничките групи бараат поголеми плати и подобри услови за работа за себе, но и за милионите мигранти работници во другите земји.

Синдикатите на улиците во Сеул

Истовремено во центарот на Сеул се собраа илјадници членови на работнички синдикати барајќи зголемување на минималната заработувачка и доделување статус на регуларно вработени на сите нерегуларно ангажирани работни, како рамноправен третман. Полицијата проценила дека таму се појавиле околу 10.000 луѓе.

Демонстрантите бараат и владата стопира рестрикцијата автомобилската и бродската индустрија и реформирање на големите конгломерати.

По повод први мај и во Индонезија околу 10.000 работници од разни сектори се собраа денеска во близина на претседателската палата во Џакарта, како би ги кажале своите барања, барајаќи владата да им ги зголеми платите и да престане да вработува странски работници.

Во Камбоџа, во градот Пном Пен, исто така денска се собраа околу 2.000 работници, на собирот кој го организираше синдикалната коалиција.

Демонстрантите планирале марш до Националното собрание, како би ги повикале пратениците да им помогнат во решавање на прашањата врзани за работата, но полицијата ги спречи во тоа.

Инаку премиерот на Камбоџа, Хун Сун денот го поминува со околу 5.000 работници во една фабрика блиску од престолнината на оваа држава, а на работниците им се заблагодари најавувајќи дека секој од ќе добие помош од 50.00 риели, што е 12,50 долари.

Истовремено, владата на Шри Ланка за 7 мај ги одложи собирите по повод први мај, поради целодневната прослава во рамки на будистичкиот фестивал Весак, кој трае до утре.

Владата соопшти дека одлуката ја донела после барањето на водечките будистички монаси, кој инаку во таа земја се многу влијателни.

Владата ги повика политичките партии и работничките синдикати на први мај да не организираат собири, но некои најавија дека ќе ја игнорираат директивата на Владата сепак ќе го обележат празникот на трудот.

Политичките партии и синдикатите во Шри Ланка, први мај обично го обележуваат со живописни паради и големи собири како би ја покажале својата политичка и организациона сила.

Москва: 130.000 луѓе на марш по повод први мај

На маршот во центарот на Москва по повод празникот на трудот, денеска со собраа околу 130.000 луѓе, јавуваат од Министерството за внатрешни работи во Русија.

Во центарот на руската престолнина се одржуваат демонстрации по повод празникот на трудот, кои се организирани од московскиот Сојуз на синдикати.

Полицијата заедно со националната гарда и патроли на доброволци, ја обезбедува сигурноста, наведува руската агенција Тас.

Демонстрантите извикуваат традиционални слогани, како што е„Мир, работа, мај“, „За мир и стабилност“, „Вработете ја младината“ и „Грижете се за пензионерите“.

Мир-Май-Труд!!! С праздником, страна!!! В первомайских демонстрациях профсоюзов участвуют 3 млн человек по всей России. В Москве 130.000!!!
Люди вышли с едиными призывами: достойный труд и справедливая социальная политика!!! https://t.co/H3tNRB1sKz pic.twitter.com/nkKoAjbDCC

— Эдуард Дрозд (@olshan75) May 1, 2018

Градоначалникот на Москва, Сергеј Собјанин го предводеше маршот на синдикатот на Црвениот плоштад, ветувајќи дека ќе направи се со цел подобрување на животниот стандард на граѓаните.

На демонстрациите учествувале и пратеници од Думата и московската градска Дума, наведува Тас.

Московскиот Сојуз на синдикати соопшти дека на улиците марширале околу 120.000 луѓе од Црвениот плоштад по главните улици на престолнината, во знак на обележување на празникот на трудот.

В первомайских демонстрациях профсоюзов участвуют 3 млн человек по всей России:https://t.co/RIO9BPpCI5 pic.twitter.com/i0c3H9Sc7o

— ТАСС (@tass_agency) May 1, 2018

Во Санкт Петерсбург, вториот по големина град во Русија, на официјалните првомајски демонстрации се приклучија и Руси незадоволни од обидите на Кремљ да ја ограничи слободата на интернет.

Неколку стотина луѓе и покрај дождот, маршираа низ Санкт Петерсбург, во знак на протест против владината забрана на популарната апликација за размена на пораки, Телеграм, наведува АП, со напомена дека поради истата причина вчера во Москва се собрале околу  10.000 луѓе.