Бројот на загинати во поплавите што ја зафатија американската сојузна држава Калифорнија се искачи на петмина.

Телата се пронајдени денеска од страна на спасувачките екипи во околијата Монтесито, во близината на Лос Анџелес.

Поплавата уништи и повеќе куќи, а има и исчезнати жители.

Неколку илјади жители на областите Санта Барбара и Вентура, во американската сојузна држава Калифорнија, мораа да бидат евакуирани поради опасност од лизгање на земјиштето.

Калифорнија, како и остатокот од американскиот Западен брег, е погодена од силни дождови предизвикани од налетот на студен бран од север.

Поплавите во Калифорнија доаѓаат по големите шумски пожари при што загинаа 44 лица во текот на октомври.

На планинските патишта, возачите мора да бидат опремени за зимски услови, а сите возачи се предупредени да бидат подготвени за влошена видливост и силни удари на ветер.