Руските вооружени сили преземаат мерки за заштита на своите комуникации, бидејќи многу земји ги зајакнале своите капацитети за изведување на кибер-напади, соопшти денеска висок руски претставник.
– Во моментов, многу земји ги развиваат своите технологии во тие цели, изјави Јуриј Кузњецов, началникот на Руската служба за заштита на државни тајни.
Тој нагласи дека, земајќи ги предвид сите закани по информатичката безбедност, неговата служба во моментов работи на обезбедување на безбедноста на информатичката технологија на руското Министерство за одбрана.
Исто така, во тек се напори за спречување и елиминација на кибер- напади на руските вооружени сили, истакна Кузњецов.
