Северна Кореја соопшти дека дополнителните санкции нема да ја запрат нејзината ракетна програма, неколку дена откако лансираше две балистички ракети со среден дострел.
Северна Кореја истакна дека овие лансирања се важен тест за развој на шпионскиот сателит.
Ким Јо Џонг, сестрата на севернокорејскиот лидер Ким Џонг-ун, го објави ова во изјавата пренесена од официјалната новинска агенција КЦНА, велејќи дека таквите случувања се директно поврзани со безбедноста на земјата.
