Повеќе од 400 лица се хоспитализирани со повреди од поплавите што го погодија регионот Иркутск на југоисток од Сибир, изјави денеска рускиот заменик-министер за вонредни состојби Павел Беришев.
До петок попладне, беа пријавени 22 смртни случаја, додека 15 лица се исчезнати.
-За жал, 22 лица загинаа, 410 се хоспитализирани, а медицинска помош беше обезбедена во амбуланти за 2.165 луѓе, рече Беришев.
Поплавите во регионот Иркутск почнаа на крајот од јуни, а досега се погодени 103 населени места.
Поплавени се повеќе од 10.150 куќи со речиси 33.000 луѓе. Во регионот е прогласена вонредна состојба.
Властите објавија дека нема опасност од заразни болести. (МИА)
