Британското Министерство за одбрана соопшти дека повеќето руски сили кои напредуваат кон главниот град на Украина, Киев, сега се на 30 километри од центарот на градот.

Велика Британија, која претходно ги оспоруваше руските извештаи дека руските сили го зазеле југоисточниот град Мелитопољ, рече дека украинската војска продолжува да дава отпор низ целата земја.

„Руските сили продолжија да напредуваат во Киев, а повеќето од нивните сили сега се на 30 километри од центарот на градот“, објави Министерството за одбрана на „Твитер“.

„Русија допрва треба да воспостави контрола над својот воздушен простор над Украина, што во голема мера ја намалува ефикасноста на руските воздухопловни сили. Руските жртви веројатно ќе бидат тешки и поголеми отколку што очекува или признава Кремљ“, се вели во извештајот.

Во меѓувреме, Киев прогласи нов полициски час.

Според градоначалникот, Виталиј Кличко, тој ќе трае од 17 до 8 часот. Одлуката почнува денеска.

„Сите цивили на улица за време на полицискиот час ќе се сметаат за членови на непријателските диверзантско-извидувачки групи“, порача тој.

Првиот полициски час беше воведен пред два дена.