Во Демократска Република Конго се потврдени три нови случаи на ебола, соопшти Министерството за здравство на таа земја.
Во соопштението се наведува дека овие случаи се регистрирани во Мбандака, град со околу 1,5 милиони жители, кој се наоѓа на реката Конго и е поврзан со Киншаса со многу речни врски.
Уште еден непотврден случај е забележан во текот на вчерашниот ден.
Бројот на починати од ебола во ДР Конго, според Светската здравствена организација (СЗО), се искачи на 25 од досегашните вкупно 45 случаи.
Епидемијата изби на почетокот на месецов во руралното подрачје во северозападниот дел на ДР Конго и се прошири во Мбандака. Тоа е деветта епидемија на ебола во ДР Конго од 1976 година.
Ебола или хеморагична треска е многу е заразно и смртоносно вирусно заболување.
(Миа)
