Меѓународната џудо федерација го суспендираше Владимир Путин од функцијата почесен претседател поради руската инвазија на Украина, беше соопштено на 27 февруари.
„Во светло на тековната војна во Украина, Меѓународната џудо федерација објавува суспензија на статусот на Владимир Путин како почесен претседател и амбасадор на Меѓународната џудо федерација“, се вели во соопштението на управното тело.
Рускиот претседател има црн појас во џудо.
Одлуката е една од низата спортски санкции објавени во последните денови.
Формула 1, која требаше да се одржи во Сочи во септември, беше откажана, а на почетокот на неделава беше објавено дека финалето на Лигата на шампионите во 2022 година ќе се игра во Париз, а не во Санкт Петербург.
