Висок функционер на Светата столица го осуди денешниот бомбашки напад на детска и породилна болница во Мариупол и го оквалификува како „неприфатлив“, јави Би-Би-Си.
Кардиналот Пјетро Паролин, државен секретар на Ватикан, изјави пред новинарите: Јас велам дека бомбардирањето на болница е неприфатливо. Нема причини, нема мотив за да се направи ова“.
Ватикан се понуди како посредник во руската војна против Украина.
Ројтерс објави дека папата Франциск го прекршил дипломатскиот протокол минатиот петок и ја посетил локалната руска амбасада за да ја пренесе својата загриженост за инвазијата. (МИА)
