Тешка сообраќајна несреќа во која деветлица ги загубија животите се случила вчера во Тексас.
Според информациите меѓу загинатите се и шестмина студенти и нивниот тренер од Ново Мексико кои се враќале од турнир во голф. Загина и 13 годишно момче.
Од полицијата истакнале дека во несреќата учествувале камионет и комбе, а до истата дошло кога камионетот преминал на спротивната страна и удрил во комбето во кое биле машкиот и женскиот голф тим. Сите загинати починале на лице место.
Двајца повредени со хеликоптер биле пренесени во болница и се наоѓаат во критична состојба.
-Ова е многу трагичен настан. Многу, многу трагичен, изјавил полицаецот Стевен Бланко.
