Катар ја доби својата прва метро линија, три ипол години пред Светското фудбалско првенство во 2022 година.
„Не верував дека во животот ќе видам Метро во Дохи“, рекол пензиониран работник во воздухопловната индустрија и истакнал дека се многу горди.
Како и бројни корисници на метро, и тој го снимил возењето, направил селфи фотографија од возот и секако го зачувал билетот како спомен на тој историски момент.
Жителите на катарската престолнина навикнале на автомобили и на чести сообраќајни застои, а државната компанија на подземната железничка, смета дека граѓаните со задоволство ќе го користат метрото како превозно средство.
