Автомобил влетал на шеталиште во Рио, блиску плажата Копакабана и усмртил едно бебе, а повредил 15 лица, соопштиле бразилските официјални лица.
На интернет објавени се вознемирувачки снимки од инцидентот, кој прикажува повредени луѓе лежат на тротоар и песок.
Сведоците на инцидентот опишуваат дека “мал црн автомобил прелетал преку патеката за точаци” и се забил во пешаците кои се нашле на плажата во Рио де Женеиро.
Возачот кој е приведен рекол дека имал епилептичен напад, а во автомобилот се пронајдени лекови за епилепсија.
Полицијата потврдила дека во инцидентот загинало осуммесечно бебе, и дека нема доказ оти инцидентот е поврзан со терористички напад.
