Денеска во кривичен бранителите на  Миле Јанакиески трчаа од судница во судница бидејќи судот закажа три рочишта во ист ден и ист термин. Тие под притисок, во трчање од предметот “Општина Центар”, до “Топлик” и “27 април” треба “ефективно” да го бранат нивниот клиент Јанакиевски, кој исто така денеска имаше закажано две судења во разлика од 30 минути.

Како што тврдат од одбраната притисокот врз обвинетиот и неговата одбрана е поради барањето за поголема динамика на предметите од страна на специјалната обвинителка Катица Јанева и според нив со ова се кршат основните права на обвинетите и на бранителите во постапките што ги води СЈО.

Додаваат дека ова е прекршување на правата на обвинетите и бранителите да формираат сериозна и ефективна одбрана во овие предмети.

Од одбраната реагираат и дека се занемарени во целокупниот процес бидејќи обвинителот и судијата на албански јазик без превод ги договарале термините за нови рочишта.