Косовскиот премиер Рамуш Харадинај рече дека убиството на лидерот на граѓанска иницијатива СДП Оливер Ивановиќ е трагичен настан, но дека нема да има последици врз дијалогот меѓу Белград и Приштина.
Харадинај во интервју за хрватската радиотелевизија рече дека приштинските власти сакаат да се расветли убиството и да се открие вистината, наведувајќи дека можат да „постојат разни мотиви, политички и криминални, но не се етнички“.
