Денеска заврши изградбата на оградата долга 60 километри на границата меѓу Крим и Украина, соопштија кримските власти.
– Планираната изградба на инженерските структури и инсталации со сложен систем за аларм на сензори е завршена во областа на Перекоп. Планирањето и развојот на документацијата почнаа во 2015 година, стои во извештајот.
Оградата се состои од неколки видови барикади, различни видови сензори, некои скриени, а некои видливи системи за видео надзор, вклучувајќи и инфрацрвена опрема.
Оградата, меѓу другото, служи и за спречување обиди да се организираат незаконски активности за трговија со оружје, муниција, стоки, цигари, алкохол, гориво, дроги… Исто така оградата има за цел и да спречи илегални преминувања на границата.
