На 24-годишниот Ѓорѓе Лацковиќ од Богатиќ кој е осомничен за нанесување на тешки повреди на својата девојка, 23-годишната Ивана Филиповиќ од Баново Поле, новосадскиот Основен суд на предлог на Обвинителството му го продолжи притворот за уште 30 дена.
Тој во притвор се наоѓа од 12. март.
Ивана и понатаму не сака да дава изјави за медиумите за немилиот настан, бидејќи е под голем стрес.
Поради нанесување тешки телесни повреди, на Ѓорѓе му се заканува затворска казна во траење од 2 до 10 години. Обвинителството веднаш после сослушувањето на Лацковиќ поднело кривична пријава поради насилство.
Како што пишуваа српските медиуми, Лацковиќ поради љубомора, со мотика ја претепал Ивана, ѝ го пробил белодробното крило, ја исекол со нож по лицето и нозете, па со пегла ѝ ги горел рацете и вратот.
Нејзиниот брат, Иван Филиповиќ вели дека слушнал приказни за тоа дека неговата сестра должела пари, но тој не верува во тоа.
-Слушнав разни приказни по селото, но јас и моето семејство не придаваме важност за тоа, затоа што се глупости. Важно е единствено тоа дека сестра ми закрепнува, само понекогаш има болки околу ребрата. Потиштена е избегнува да разговара за тој ден, вели Иван.