И додека Зоран Заев вчера се пофали дека економијата блеска, Државниот завод за статистика го демантираше премиерот.

Имено индустриското производство кое е столб на стопанството во јуни годинава бележи негатива во однос на јуни минатата година.

Според податоците на Државниот завод за статистика, индексот на индустриското производство во јуни 2019 година, во однос на јуни 2018 година, изнесува 97.3.

Гледано по сектори, индустриското производство во секторот Рударство и вадење на камен во јуни 2019 година, во однос на јуни 2018 година, бележи пораст од 5.2%, во секторот

Преработувачка индустрија бележи опаѓање од 6.7%, а во секторот Снабдување со електрична енергија, гас, пареа и климатизација пораст од 34.3%.

Намалувањето во секторот Преработувачка индустрија е резултат, пред сѐ, на намаленото производство во следните оддели: Производство на прехранбени производи, Производство на пијалаци, Производство на тутунски производи, Производство на облека, Производство на кожа и слични производи од кожа, Производство на метали, Производство на фабрикувани метални производи, освен машини и опрема и Производство на компјутерски, електронски и оптички производи.

Според главните индустриски групи, производството во јуни 2019 година, во однос на јуни 2018 година, бележи пораст кај Енергија за 29.9% и Трајни производи за широка потрошувачка за 2.6%, додека опаѓање бележи кај Интермедијарни производи, освен енергија за 4.7%, Капитални производи за 3.1% и Нетрајни производи за широка потрошувачка за 10.1%.

Индексот на индустриското производство во периодот јануари – јуни 2019 година, во однос на периодот јануари – јуни 2018 година, изнесува 104.8.