Македонската фудбалска репрезентација за играчи до 19 години, попладнево, во Скопје одигра нерешено 0:0 на вториот пријателски натпревар против своите врсници од Финска.
Пред два дена нашите млади фудбалери славеа со 5:0, но денеска „црвено-жолтите“ не успеаја да ја покажат истата ефикасна игра во нападот.
Ова беше последниот тест пред стартот на елитната фаза квалификации за пласман на ЕП. Македонија ќе биде домаќин на турнирот, а ќе играме со Летонија, Унгарија и Англија од 21-ви до 27-ми март.
