Основното јавно обвинителство Скопје ги чека доказите од МВР во врска со наводното следење на новинарот Бранко Героски, пишува МКД.МК. Тој вчера со статус на Фејсбук предупреди дека после неговите текстови за скандалите со случаите Рекет и Рекет 1, бил следен, поседувал докази и веќе поднел пријава, а го повика и Обвинителството најдоцна до утре да му одговори дали и што сработиле.
Јавното обвинителство вчера беше повикано да даде одговор на тоа до каде е постапката за овој предмет, во спротивно Героски најави дека ако до среда, односно 20 ноември не добие одговор, со напис на неговиот портал ќе ја информирал јавноста.
Од обвинителството за МКД.МК велат дека се работи на овој предмет, но се чекаат доказите за кои е издадена наредба до МВР, по која уште се постапува.
Поврзани вести
Героски: Власта треба да се тргне од опсесијата за уставни измени и да престане да го кодошат македонскиот народ, опозицијата и сите оние кои се против уставните измени кои се нудат
Героски: За да бидеме сигурни дека нема да има притисоци врз органите на прогон за случајот со Онкологија, мора да претходи политичка одговорност
