Како и многу други бремени жени, Тори Оџеда е возбудена поради раѓањето на своето девојче за два месеци, но ќе има малку поголема помош за разлика од повеќето жени.

20-годишната девојка од Џексонвил, Флорида, има полигамна врска со четворица мажи.

Таа за „Баркрофт медиа“раскажува дека биолошкиот татко на детето е еден од нејзините партнери, а девојчето се планира да биде воспитано во семејството.

-Сите сме многу возбудени што имаме заедно едно дете, рече девојката, која доби критики од семејството и пријателите, поради нејзиниот животен стил. Сега, вели, сите петмина живеат заедно и се во врска веќе неколку години.

Еден од нејзините партнери, Кристофер, вели дека бременоста му помогнала на семејството на Оџеда да ја прифати специфичната врска на нивната ќерка.

Оџеда се запознала со првиот партнер Марк во средно училиште и тогаш започнале да се дружат. Потоа се вљубила во пријателот Тревис, само неколку месеци откако започнала врска со Марк.

Подоцна започнала дружење со своите пријатели Итан и Кристофер, а по заедничката пауза претходно оваа година, дознала дека е бремена.

Засега, таа смета дека биолошкиот татко е Кристофер и вели дека планираат колективно да се грижат за детето.

Во моментов, сите петмина живеат заедно и имаат распоред за секс со неа, така што секој може да добие исто време.

Таа вели дека љубомората може да стане проблем во таков однос, особено за рамномерно распределување време со неа.